சிந்தனைச் சிதறல் - தமிழ்ப்பிரியன்

மலைகளுக்கும் அப்பால்...

2011-01-11T11:52:00.008-05:00

உறுதியால் உயர்ந்தாயா?
உன்னதப் பொறுமையால் வளர்ந்தாயா?
கம்பீரத்தின் சின்னத்தால் சிறந்தாயா?
திடீர் கோபத்தால் குமுறுவாயா?
வீண் செருக்கால் விழுவாயா?

கண் முன்னே
விரிந்த ஓர் ரகசியங்கச் சுரங்கம்...
மலை மனிதனுக்கு
கற்றுத் தரும் பாடமோ ஓராயிரம்...
மலையைக் குடையக் கற்று
மனதை மடுவென சுறுக்கிய மனிதா...
சிகரம் ஏறினாலும்
சிறு புள்ளி நீ...
சின்னஞ்சிறு பிள்ளை நீ....
மனமே மலைக்காதே...
மண்ணின் பெருமிதம் மலை!

பழுப்பு நிறத்தவன்
நிலப்பரப்பின் மணிமகுடம் அணிந்த‌
பனிப்பிரதேசத்து அரசன்!
பாதியில் மனிதன் மறந்த
ஆதி மனிதன் வாழ்ந்த வீடு...
அமைதியும் தூய்மையும்
ஆட்கொள்ளும் ஆன்மிகச் சின்னம்!

நீல வானமும் சிறிது ஏக்கங்கொள்ள
மேகங்கள் மோகங்கொண்டு முத்தமிடும்! அதை
நானத்தால் மூடு பனியும் மூடிக்கொள்ளும்.

காற்றின் வேகந்தனை தடை போடக்கூடும்..
மழையாய் மாறக் கருவாகக் கூடும்...
தாயின் ஸபரிசத்தில்
துயிலும் பிள்ளையென...
பகலவன் உதித்தும் எழாமல்
படுத்துற‌ங்கும் பனியாகவும் கூடும்!

காதலா? கவிதையா? பிரமிப்பா?
கண்டவர் உள்ளப் பூரிப்பா?...

‍-தமிழ்ப்பிரியன்

காலத்தை வென்றவர்

2011-01-07T12:16:00.003-05:00

முற்றும் துறந்த முனிவன் முதல்
கொற்றவனும் ஒன்றும் அற்றவனும்
காலம் என்னும் கடிகார முட்களின்
கைதிகள் அன்றோ?

சரித்திரத்தில் இடம் பெற்றவரெல்லாம்
காலத்தால் அழியாமல் வென்றவராயின்
தெரசாவுக்கும் ஹிட்லருக்கும்
இடம் தரும் உலகத்தில்
காலத்தை வென்றவர் எவரோ?
காலம் கடந்தவர் எவரோ?

வருக 2011 !

2011-01-07T12:15:00.001-05:00

அறம் ஓங்கி, அன்பு நிறைந்து
இறை சிறந்து, இல்லறம் மலர்ந்து
அமைதி நிலைத்து, மானுடம் செழிக்க‌
அழகுச் சீர் கொண்டு வருக 2011!

ஏழ்மை நிலை எதிலும் விலகிட‌
பிணியெல்லாம் பனித்துளியென கரைந்திட‌
உள்ளக் கனவெல்லாம் மெய்யென உரைத்திட‌
வீறு கொண்டு வருக 2011!

சுழற்சி விதியால் இன்று
மீண்டும் ஒரு புதுப் பயணம்...
பத்தோடு பதினொன்றாய் இல்லாமல்
தனிச் சிறப்போடுத் திகழ‌ வருக 2011!

படம் இங்கே! கவிதை எங்கே

2010-10-01T19:43:00.005-05:00

அஸ்தமிக்கும் சூரியன்....
செந்நிற வானம்...
இரவின் வருகை...
கூடு திரும்பும் புள்ளினம்...
பார்க்கவோ ரசிக்கவோ தவறினால்
கவலை வேண்டாம் ...

இது தவறாமல் தினமும் நிகழும்

இயற்கையின்

இலவச ஒவியக் கண்காட்சி..!

பி. கு: புகைப்படம் எடுத்த வடிவேல் அவர்களுக்கு நன்றி...

விதியின் வழியே....

2010-09-22T12:28:00.002-05:00

போன வாரம் நீயா - நானா நிகழ்ச்சியின் விளைவால் உதித்த எண்ணங்கள் இதோ...

விதியின் வழியே....
------------------------

விதைத்தவன் எழுதியதா?
மிகையாய் மனிதன் சொல்லியதா?

விடை தெரியா கேள்விக்கும்
விதி என்ற பதிலுக்கும்
வெறும் சூழ்நிலைக் கைதிகள் யாம்...
மனமோ தப்பிக்க வழியின்றி....
மதியோ வெல்ல துணையின்றி...

பல நிகழ்வின்
இரண்டு எழுத்து விளக்கம்
இன்னும் ஒரே
ஒரு காரணம் கேள்... முழிக்கும்..!

எல்லாம் விதிப்படி என்றால்
பயணம் தொடங்குவது எங்கே?
எல்லாம் மதிப்படி என்றால்
பயணம் ரசிப்பதும் எங்கே?

நம்பியதால் கேட்கிறேன்....
விதிக்கும் விதி யார் உரைப்பார்? அந்த‌
விடைக்கும் உரை யார் அளிப்பார்?

- தமிழ்ப்ப்ரியன்

தூக்கம் தொலைத்த ஒர் இரவு

2010-05-28T12:48:00.002-05:00

காலத்தின் வேகம் மறந்த மனதோ
கற்பனையில் மிதந்து
கோபுரமோ...மனல் கோபுரமோ
கனவுகள் மட்டும் ஆயிரமாய்...
விழித்திக் கொண்டே

ஆசைகளை பேராசைகளாய்.
எதிர்பார்ப்பு மிஞ்சுவதால்...
எதிர்கொள்ள நாடுவதால்...
விட்டம் பார்த்து
வ‌ட்டம் அடிக்கும் மனது..
புரண்டு படுத்தும்,
புதையாத எண்ணங்கள்....
கண்களுக்கு வரும் தூக்கம்
ஏனோ, மனதுக்கு புரியவில்லை....
உறக்கம் மறந்த கனவு - இது
தூக்கம் தொலைத்த இரவு

ஆர்ப்பரிப்பு...

2010-05-17T13:01:00.002-05:00

அடடா... ஏன் இந்த
ஆர்ப்பரிப்பு!

என்னவளிடம் என்னை தொலைத்து
உன் அழகை கவனிக்க மறந்ததாலா?

என்னவளை வர்ணித்து
உன்னை தவிர்த்ததாலா?

என்னே இந்த அதிசயம்..
எவர் சொல்லியும் கேளாத நீ..
என் காதலியின் முத்தச் சத்தத்தில்
உரைந்தே போனாயோ??

அறிவு

2008-06-13T23:58:00.004-05:00

அறியும் பொருளில் தொடங்கு மிதனை
அறிந்திடும் யுக்தியு முண்டு- அறிவிற்கே
கட்டவிழ்த்து எங்கோ ஓடும் மனதை
கட்டுக்குள் பூட்டு மறிவு

இலக்கணம்: நேரிசை வெண்பா...

வெண்பா படித்த பின்னர் புதுக்கவிதையைப் படியுங்கள்...நன்றி..

---------------
அறியும் பொருளின்
ஆரம்பம் !

அறிவின் மிகுதியை
அளவிடும் கருவி
அறிவிற்கே உண்டு,
அறிஞன் என்றும்
அறிவிலி என்றும்
அகிலம் விதவிதமாய்
அகம் மகிழ பெயர் சூட்டும்

தேடலில் தொடங்கும்
தேவையில் விழிக்கும்
கேள்வியில் சிறக்கும்
சிந்தனையில் வளரும்
ஆக்கத்தில் ஒளிரும்
அறியாமையில் தூங்கும்

கட்டவிழ்த்து ஓடும் மனதை
கட்டுக்குள் ஒடுக்கும் கருவி
விலங்காய் திரிந்தவனை
மனிதனாய் வளர உதவியதும்
மனிதனாய் மாறியவனை
விலங்கினைப் போல்
மங்கச் செய்வதுமறிவு

அள்ளிக் கொடுப்பினும்
தேடித் தேடி எடுப்பினும்
குறையாது பெருகும்...

தெரியாத பொருள் ஆயினும்
தெரியப்படுத்தும் பொருள்
ஆதாரம் தேடுவார்க்கும்
ஆதாரமான பொருள்

படம் இங்கே...கவிதை எங்கே

2008-06-08T01:38:00.004-05:00

எதுவும் இசை தானம்மா
நீ சொல்லும் மொளனமும்
என் அழகிய சப்தமும்
*****
சப்தத்திற்கும் மொளனத்திற்கும்
இடைவேளை விரலளவோ?
*****

உங்களூக்கு தோன்றுவதை கருத்தில் எழுதுங்க..! நன்றி..

தூரம் இங்கெதுவும் இல்லை...

2008-06-07T01:14:00.004-05:00

கடினம் என்று நினையாமல்
முடியும் என்று எண்ணினால்
இமயமும் ஏறும் தூரம் தானே
வழியில் கண்ட
கல்லும் முள்ளும்
தனி ஒரு சுகம் என்று...
கடந்தவன் மட்டுமே அறிவான்!

கடந்த பாதை
சுகமான கதை
கடக்கப்போகும் பாதை
சாதனைக்கு வழியன்றோ..
ஆமைப் போல் நகர்ந்தாலும்
இலக்கில் உறுதி
வெற்றிக்கு சான்றன்றோ..

முயல்..மலையாதே
நகர்...நிக்காதே
பயணம் இது...பயணி...

எண்ணமே வாழ்வின் பிரதிபலிப்பு
மண்ணில் மழை சேரும் போது,
தூரம் இங்கெதுவும் இல்லை...
பாரம் என்றெதுவும் இல்லை...

கடவுள்

2008-06-06T02:18:00.003-05:00

------------
ஒரு பெயர்,
எத்தனை பரிணாமம்
ஒரு பொருள்,
எத்தனை விளக்கம்

நாத்திகனுக்கு கேள்விக்குறி?
ஆத்திகனுக்கு ஆச்சிரியக்குறி!

வெளியில் எங்கும் இல்லாதவன்
ஆனால் எதிலும் நிறைந்தவன்
உன்னிலும்!
என்னிலும்!
அன்பில் தெரியும்,
பரிவில் புரியும்.

மீண்டும் புதிதாய்
குறைகள் தீர்க்க நாடுவார்
இன்னும் கோடி
ஆசைகள் நிறைவேற வேண்டுவார்
பழியும் புகழும்
தினமும் ஒரு தினுசாய்

இன்று மதத்தால்
இறந்த கடவுள்
மனிதத்தால் மட்டும்
மீண்டு(ம்) மண்ணில் பிறக்கிறான்...

காலமும் கடவுளும்
காணக் கிடைக்காது
உணர்ந்தவருக்கு மட்டும்
இது பொக்கிஷம்...

மொத்தத்தில்
புரியாத புதிர்..
தெரியாத விடை

விளக்கி சொல்ல
நான் அறிஞனும் இல்லை
விளக்கம் சொல்ல
நான் கடவுளும் இல்லை

- தமிழ்ப்பிரியன்

ஆசிரியப்பா - மரபுக் கவிதை முயற்சி

2008-05-25T18:12:00.003-05:00

ஆசிரியப்பா அல்லது அகவல் என்றும் அழைப்பார்கள்..பசுபதி அய்யா அவர்களின் கவிதை இயற்றிக் கலக்கு பகுதியில் இருந்து விதிகள் படித்து நான் முயற்சி செய்தவை இதோ..

தமிழ்
------
வெற்றி முரசு உரக்க ஒலிக்க
வற்றா நதியாய் தரணியில் சிறந்து
வாழும் எங்கள் அழகுத் தமிழே
வாழிய என்றும் வளம்பெரு கவே..

(இலக்கணம் - நிலை மண்டில ஆசிரியப்பா)

கடல்
-------
கருணை பொழியும் அமிர்த மழையும்
பொறுமை காத்து மிளிரும் முத்தும்
ஆசை மனதை பாயும் அலையும்
இறையின் பொருளை நடுக்கடலின் அமைதியும்
சற்றுப் பார்த்தால்! உற்றுப் பார்த்தால்
ஆழக் கடலும் வாழ்வில்
அழகாய் கற்றுக் கொடுக்கும் ஆயிரமே

(இலக்கணம் - நேரிசை ஆசிரியப்பா)

கருத்துக்களை தெரிவியுங்கள். நன்றி.

வெண்பா - மரபுக் கவிதை முயற்சி

2008-05-24T00:16:00.007-05:00

இணையத்தில் இதைப் பார்த்தேன்..ஈற்றடி "மண்ணுலகில் இன்ப மயம்" ஒன்றை கொடுத்து விட்டார்கள் இதற்கு வெண்பா வடிக்க சொல்லி இருந்தார்கள்...என் முயற்சி இதோ

நேரிசை வெண்பா

தத்தித் தவழும் மழலையரின் பேச்சும்
ததும்பும் தமிழின் சுவையோடு - தித்திக்கும்
பண்ணும் இறையும் இயற்கையும் என்றென்றும்
மண்ணுலகில் இன்ப மயம்

நண்பர்களிடம் பேசிக் கொண்டு இருந்தேன்.. மதம் என்ற விசயம் எப்போதும் உப்பு போல, அதிகமாக இருந்தால் சாப்பிட முடியாது..போடாமல் அல்லது மறந்து விட்டால் சாப்பிடவே முடியாது..(என் தோழன் ஒருவனின் தாயார் சொல்லியது!) எவ்வளவு உண்மை.இதை வைத்து என் குறள் வெண்பா முயற்சி..

குறள் வெண்பா
மதமென்று மாந்தர் மதமாகின் மண்ணில்
மலராது வாடும் மனம்

கருத்துக்களை பதியுங்கள்..நன்றி..

எண்ணங்கள்

2008-05-21T10:03:00.003-05:00

எண்ணில் எண்ணி முடியாது
  எழுத்தில் வடித்தும் தீராது..
அகன்ற விண்ணிலும் அடங்காது
  ஆழ் கடலிலும் தாழாது
ஒலியை விடவும் வேகமாய்
  ஓடி உளையும் மனதில்,
உதிக்கும் ஆயிரம் எண்ணங்கள்
  உயிர்க்கும் அழகு வண்ணங்கள்
இது போல் விந்தை
  இதுவரை எங்கு கண்டீர்?

-தமிழ்ப்பிரியன்

என் முதல் வெண்பா

2008-05-11T03:10:00.004-05:00

ஆசை அறுத்தால் தெளிவு பிறக்குமாம்
ஆடை துறந்த முனிவரும் பாடினார்
ஆசை மறந்தவர் புத்தனும் சாடினன்
ஆயினும் வாடுவார் காண்

சிறு வரலாறு:

வெண்பா எழுத வேண்டும் என்ற ஆவல் எனக்குள் அதிகமாக..அதற்கான தேடலில் இறங்கினேன்..விக்கி பசங்க, முத்தமிழ் மன்றம் போன்ற தடங்களில் கூகுள் என்னை கால் வைக்கச் செய்தது..என் முயற்சியிலும் விளைந்தது ஒரு வெண்பா..அதைச் சரிப்பார்க்க முனைவர்.வாசுதேவன் ஐயா அவர்களிடம் மின்னஞ்சல் அனுப்பி..அவர் சரி என்று சொன்ன பிறகு அதை அனைவரும் பார்க்கும் படி பதிய வைப்பதில் எனக்கு ஒரு சின்ன சநதோசம்..இன்னும் நிறைய கத்துக்கனும், படைக்கனும்ங்கற ஆர்வமும்...
உதவி செய்த அனைவருக்கும் என் நன்றிகள்!

உங்கள் கருத்துகளையும் தெரிவியுங்கள்...!

ஜோதிடம்..

2008-03-31T19:35:00.002-05:00

கலை என்பார் சிலர்,
அறிவியல் என்பார் சிலர் - சுத்த
அறிவிலி என்பார் சிலர்...

சுக்ரனோ உச்சத்தில்,
சனியோ வக்ரத்தில்.. - சில
கோள்க‌ள் காட்டி
கோள் மூட்டுவார்..

நடக்காவிட்டால் ஜாதகம்
காரண‌ம் என்பார்..
நடந்தேவிட்டால் அதையும்
சாதக‌மாய் கூறுவார்..
இதை நம்பிக் கெட்டவரும் உண்டு,
வாழ்ந்தவரும் உண்டு..

மெய்யோ..,
பொய்யோ
நான் அறியேன்..
ஒன்றை ம‌ட்டும
ந‌ன்று அறிவேன்..
என் செய‌லுக்கு நானே பொறுப்பு
மெய்ய‌ப்பா...
உன் செய‌லுக்கும் நீயே பொறுப்பு..

- த‌மிழ்ப்பிரிய‌ன்

நல்ல தமிழ் மட்டும் பேசடா..

2008-03-30T21:35:00.005-05:00

மண் பானை சோறும்,
திண்ணை உறக்கமும்
ஆற்று குளியலும்...
நகர வாழ்க்கையில்
அழிந்து விட்ட போதிலும்..
பாட்டிச் சொன்ன கதைகளும்
கில்லி, கோலி
கூழாங்கல் ஆட்டங்களும்,
மாயமாகி விட்ட போதிலும்..

கால நாகரிகம் என்ற பெயரில்,
வள்ளுவனும், கம்பனும், பாரதியும்,
அள்ளி் அள்ளித் தந்த
அழியா அமிர்தமாய் ,
செம்மொழி்யாம்- நம்
தாய்மொழி அழகுத் தமிழை
மட்டுமாவது மறந்துவிடாதே
என் செல்ல‌மே!
கலப்பில்லாத நல்ல தமிழ்
மட்டும் பேசடா..
என் அறிவுச் செல்வ‌மே!

- தமிழ்ப்பிரியன்

எனக்குத் தான் வயசாகி போச்சா?

2008-03-25T01:42:00.012-05:00

சிகப்பு நிற‌
கட்டபொம்மன் பேரூந்துகளும்,
இளம் நீல நிற‌
நேசமணி பேரூந்துகளும்...
மறந்து தானே போச்சு!

75 காசு தபாலில்,
அடித்து அடித்து எழுதி..
அழகாய் மடித்து,
வாயால் பசை தடவி...
கடிதம் அனுப்பிய
காலங்கள் ஓடித்தானே போச்சு.!

சரோஜ் நாராயண்சாமி குரலில்
அகில இந்திய வானொலியில்
தினமும் ஒலித்த செய்திகளும்,
சென்னை தொலைகாட்சியில்
பவனி வந்த,
"வயலும் வாழ்வும்" நிகழ்ச்சிகளும்
தீடிரென்று,
அந்தக் காலம் ஆகி போச்சா?
இல்லை,
எனக்குத் தான் வயசாகி போச்சா?

இரவு

2007-02-05T16:44:00.001-05:00

எங்கும் இருட்டின் நிறமே தொற்ற,
எதிலும் நிசப்தமே நிலவ,
நிலவும் இல்லாத,
நட்சத்திரம் சிரிக்காத
இருள் சூழ்ந்த
இரவு நேரம் அது. !
தூங்கும் உலகினை
சத்தமே இல்லாமல்
இருள் சூழ்ந்த
இரவு நேரம் அது. !

உலகம் இயங்காமல் போனதோ? என்ற
சந்தேகமும் என்னுள் வந்தது...
எதையோ சொல்ல காத்திருந்ததாய் மட்டும்
எனக்குள் ஆழமாய்த் தோன்ற...

மேகங்கள் உடைத்து,
மூடுபனி கிழித்து,
முதல் கதிர் வீச்சு,
மண்ணில் விழும் போது

புல்லினம் பறக்க,
புல்வெளிகள் சிலிர்க்க,
புது நாள்..புது நம்பிக்கை என்று
உலகம் விடியலை நோக்கி
உற்சாகமாய் உதயமாக...

மாற்றங்கள் ஒன்றைத் தவிர..
மற்றவை எதுவும் இங்கு
முற்றிலும் நிலையில்லை என்று
மரணித்த இரவு சொல்லாமல் சொல்லியது...

-தமிழ்ப்பிரியன்.

சூசூ...சூசூ...சூப்பர்மேன்

2007-01-31T17:27:00.000-05:00

சூப்பர்மேன் எல்லாத்துக்கும் தெரியும்...இந்த பேண்ட் மேல ஜட்டி போட்டுட்டு...பறந்து பறந்து போவாரே..ஆனா இந்த சூப்பர்மேன் எல்லாரும் பார்த்து இருக்க மாட்டீங்க....

கீழே படம் தெரியாவிட்டால், இந்த சுட்டியில் பார்க்கவும்

இந்த படத்தில் கதாநாயகனாக ந்டித்தவர் : என்.டி.ஆர்.
கதாநாயகி: ஜெயப்பிரதா
படம்: சூப்பர்மேன்..

என்ன கொடுமை சரவணா இது...

ஜெயப்பிரதா இந்த படத்தை இன்று பார்த்தால் கண்டிப்பாக வருத்த்ப்படுவார்...

Pursuit of HappYness

2006-12-25T05:16:00.000-05:00

பர்ஸ்யூட் ஆஃப் ஹாப்பினஸ்.

இந்த படம் ஆரம்பிக்கும் முன்ன்ரே நம் கண்களை கவர்வது..ஹாப்பினஸ் என்பதன் ஸ்பெல்லிங். "I" பதிலாக "Y" போடபட்டுள்ளது..இதற்கான விளக்கம் படத்தின் சில காட்சிகளிலேயே காண்பித்து விடுகிறார் டைரக்டர்.

படத்தைப் பற்றி கூறுவதற்கு முன், படத்தின் சிறப்பம்சம், கோல்டன் குலோப் விருதுகளில், சிறந்த நடிகருக்கான விருதுக்கு வில் ஸ்மித் நாமினேட் செய்து இருப்பது குறிப்பிடத்தக்கது. அது மட்டும் அல்லாது, வில் ஸ்மித்தின் சொந்த மகன் இந்த படத்தில் வில் ஸ்மித்தின் மகனாக நடித்து உள்ளார். புலிக்கு பிறந்தது பூனையாகுமா?..சுட்டிப் பையன் அருமையாக நடித்து இருக்கிறான்.

படத்தின் கதாநாயகன் வில் ஸ்மித் ஒரு சாதரான மெடிக்கல் சேல்ஸ்மேன்.தன் குடும்பத்தை காபாற்ற தன்னால் முடிந்த வரை போராடுகிறார். பண நெருக்கடி குடும்பத்தில் குழப்ப்த்தை ஏற்படுத்த,மனைவி தன்னை பிரிந்து சென்றாலும் மகனை விட்டு கொடுக்காமல் தன்னுடன் வைத்துக் கொள்கிறார்..இந்த சமயத்தில் தான் அவருக்கு ஒரு சம்பளம் இல்லாத இன்டர்ன்ஷிப் வாய்ப்பு ஒரு மிகப் பெரிய‌ பங்குச் சந்தை நிறுவனத்தில் கிடைக்கிறது...20 பேரில் ஒருவரை மட்டும் தேர்ந்தெடுக்கும் அந்த நிறுவந்த்தில் முழு நேர பணியில் எப்படியும் நுழைந்து விட வேண்டும் என்று போராடுகிறார்..படம் முழுவதும் இந்த போராட்டம் தொடர்கிறது..சம்பளம் இல்லாத பணியில் இருக்கும் இவருக்கு இருக்க இடம் இல்லை, பணத்திற்கு என்ன செய்கிறார்? தன் 5 வயது மகனை வைத்துக் கொண்டு எப்படி இந்த நெருக்கடியை சமாளிக்கிறார்.முன்னுக்கு வருவாரா? என்பதே கதை...இது என்ன, சாதாரண ரெகுலர் சினிமா கதை மாதிரி தானே என்று நினைப்பவர்களுக்கு...அது தான் இல்லை! பல ஆங்கிலத் திரைப்படங்கள் உண்மைக் கதைகளை மூலமாய் வைத்து வரும் என்பது பலரும் அறிந்ததே..அந்த வரிசையில் இதுவும் ஒன்று...நான் எல்லாத்தையும் சொல்வதை விட நீங்களும் படத்தைப் பார்த்தால் நல்லா இருக்கும் என்பதால் இத்துடன் நிறுத்திக் கொள்கிறேன்.

"சந்தோஷம் என்பது நாம் எப்போதும் தேடி அலைவது தான்.அதை நாம் நிரந்தரமாக தக்க வைப்பது என்பது இயலாத ஓன்று. எப்படி முயன்றாலும்." ‍ இது தான் படத்தின் மூலக் கரு, பெயர் காரணம் கூட‌.

ப‌ட‌ம் மிக‌வும் மெதுவாய் ந‌க‌ர்கிற‌து ..ஆனால் க‌ண்டிப்பாக‌ அதை நாம் உண‌ராத‌ வ‌ண்ண‌ம் எடுத்து இருப்ப‌து திறமை. சில பல அருமையான காட்சிகளில் நம்மை உருக வைத்து இருக்கிறார் வில் ஸ்மித். நடிப்பில் கலக்கி இருக்கிறார்..சும்மா சொல்லக் கூடாது மனுசன் நடிப்புல பிச்சிபுட்டார்.! படத்தின் முழு கவ‌ன‌ம் வில்ஸ்மித் மீதும், அவ‌ர் ம‌க‌ன் மீதுமே இருக்கிற‌து. ஆக்ஷ்ன், காமெடி என்று க‌ல‌க்கிய‌ வில் இந்த‌ முறை க‌ஷ்ட‌மான‌ க‌தாபாத்திர‌த்தை நேர்த்தியாக‌ கையான்டுள்ளார். ஆபாச காட்சிகளோ, ஆபாச வார்த்தைகளோ இல்லாமல் இருக்கும் இந்த படம் எல்லாரும் பார்க்கலாம்..

க‌ண்டிப்பாக‌ பார்க்க‌ வேண்டிய‌ ப‌ட‌ம்.! பர்ஸ்யுட் ஆஃப் ஹாப்பினஸ்‍ - முழுமை.!

பி.கு: மக்களே இது தான் என் முதல் திரை விமர்சனம். படத்தைப் பற்றி மேலும் விபரம் அறிய, இங்கே கிளிக்கவும்

வாழ்க்கை

2006-12-04T15:38:00.001-05:00

வார்த்தைகள் வராமல் தவித்தப்படி..
மனதில் ஆயிரம் எண்ண்ங்கள்!
ஆரம்பமும் முடிவுகளும் முடிவெடுக்காமல்!
எதையோ தேடி,
எங்கேயோ ஓடும் வாழ்க்கையில்..
வாழ்க்கை என்னை கடந்து விடாது,
நானும் ஓடுகிறேன்.!
இப்போது நிறுத்த முடியாது,
பாதியில் விட்டால் வலி தெரியாது..
ஆனால்,
வலி உணராத வெற்றி ஏது!
பறந்து பார், முடியாதென்றால்
நடந்து பழகு..
நிற்கவும் முடியாமல்
கீழே விழுந்தால்..!
தவழ்ந்து விடு..
இன்றே நீ துவங்கி விடு!
வாழ்க்கையை இரண்டு கை விரித்து,
வாழ்ந்து பார்..
மழையை அனுபவிக்க,
கொஞ்சம் நீ
நனைந்து பார்..!

பனி படர்ந்த மலையின் மேலே...

2006-12-04T11:09:00.000-05:00

பனி பெய்து முடிந்த மறுநாள் கண்டிப்பாக சூரியன் பளீச் என்றும்,வானம் ஏதோ குழப்பத்தில் இருந்து தெளிவான ஒரு முகத்தை போல அழகு நீல நிறத்திலும், பட்டுப்போன மரங்களில் அழகாய் ஒட்டியிருக்கும் பனியும்,சூரியனின் ஒளியில் பனியின் அழகைக் காண்பதென்பது விலை கொடுத்து வாங்க முடியாதுங்க!..

என்ன போன வாரம் சிகாகோ,விஸ்கான்சின் பகுதிகளில் 2 முதல் 5 இன்ச் பனி பெஞ்சுச்சா??...இப்போ பனிக்காலம் தீவிரம் அடைவதால் குளிர் காலத்தில் மேற்கொள்ள வேண்டிய பாதுகாப்புகளைப் பற்றி ஒரு சின்ன பதிவு தான் இது..எனக்கு வந்த ஒரு மடலில் இருந்து மொழிபெயர்க்கப்பட்டவை இது.

கண்டிப்பாக பூட்ஸ்(boots) அல்லது சோல்ஸ்(soles) உள்ள ஷூக்களை மட்டுமே அணியவும். காலனிகள் ஸ்மூத்தாக இருப்பின் பனியில் வழுக்கி விழும் வாய்ப்பு அதிகமாக இருக்கும்! ...

நடக்கும் போது மிகுந்த கவனத்துடன் நடக்கவும். பஸ்சை பிடிக்கவோ, ட்ராஃபிக்கை முந்தி ரோட்டை கடக்கவோ ஓடாதீர்கள்...

உங்கள் கைகள் உங்களை சம்மாக வைக்க உதவும். அதனால் கைகளை பாக்கெட்டில் வைப்பதை தவிர்க்கவும். பெரிய சாமான்களை கைகளில் சுமந்து செல்வதையும் தவிர்க்கவும்.

உங்கள் தலைப்பகுதியை குல்லா போன்றவைகளால் மூடவும்..உடலில் உள்ள வெப்பம் தலையின் வழியே வெகு சீக்கிரம் செல்லும். உங்கள் கைகள் தான் சீக்கிரம் குளிர்ந்துவிடும் அதனால் கையுரை(gloves) அணியவும்.

"குட்டி நடை" போடவும்.இந்த நேரங்களில் நடக்கும் போது மட்டும் பாரதி சொன்ன நிமிர்ந்த நடை வேண்டாம்!.முன்னால் என்ன இருக்கிறது என்று பார்த்து நடக்கவும். பராக்க பார்த்து நடக்காதீர்கள்.!

உங்கள் கால் விரல்களை சுறுக்கி எவ்வளவு இயன்ற வரை ஃப்லாட்டாக(flat) நடக்க முயற்ச்சிக்கவும்..

பனியை உடனே அகற்றி அது ஐஸ்கட்டியாக மாறுவதை தவிர்க்க.

உங்கள் வீட்டின் வாசற்படிகள், டிரைவ் வே களில் ஐஸ் இல்லாது பார்த்துக்கொள்க!..சேஃப் ச்டெப்(Safe Step) எனப்படும் பொட்டாசிய்ம் கொண்ட பொருள் உங்கள் கான்கீரிட், புல் மற்றும் உங்க்ள் வீட்டின் கார்பெட்,தரைகளை வீனாகாமல் பாதுகாக்கும். இது உப்பை விட சிறந்தது என தெரியவந்த்து..(நான் உபயோகித்தது கிடையாது).

பனியில் வாகனம் செலுத்தும் போது மிகுந்த மிகுந்த கவனம் தேவை!..

பாலங்கள் மற்றும் ஓவர்பாஸ்(overpass) முதலில் உரையும் தன்மை கொண்டவை. அதனால் அந்த இடங்களில் மிகவும் மெதுவாய்ச் செல்க!.

பனியில் டக்கென்று திரும்புவது, டக்கென வேகத்தை கூட்டுவது ஆபத்தான் செயல்!

உங்கள் வண்டியின் கண்ணாடிகள் சுத்தமாக இருக்கும்படி பார்த்துக்கொள்ளுங்கள்.

ப்ரேக் உபயோகிக்கும் போது மிகுந்த கவனம் தேவை. கன்னா-பின்னா என்று ப்ரேக் போடுவது ப்ரேக்-லாக் ஆகவும், உங்களை ஸ்டீரிங்க் கன்ட்ரோல் இழக்கவும் செய்யும்.

உங்கள் வண்டியின் வேகம் மெதுவாகவும், ஸ்டெடியாகவும் இருக்கும் படி பார்த்துக்கொள்ளவும்!. மிகவும் மெதுவான வேகம் உங்களை பனியில் சிக்கவும் செய்துவிடும் அதனால் கவனித்துச் செல்வீர்.

பனியில் மாட்டும் நிலை ஏற்பட்டால், வண்டியின் சக்கரங்களை முதலில் நேராக்கவும், பின்னர் மெதுவாய் ஆக்ஸிலரேட்டர் கொடுக்கவும். மன் அல்லது சின்டர்(cinder) எனப்ப்டும் பொருளை வீல்களுக்கு அடியில் போடவும்.

அழகு இருக்கும் இடத்தில் ஆபத்தும் இருக்கும் என்று சொல்வார்கள்..பனியின் அழகை ரசிப்பத்தோடு, கவனமாகவும் இருப்போம்!...

குளிர்கால குதூகலம் ஆரம்பம் ஆகட்டும்!

தண்ணீர் - ஒரு செய்திக் குறிப்பு.

2006-10-27T16:34:00.000-05:00

இந்த உலகில் 75% தண்ணீர்.

இதில் 97% சமுத்திரம்.(உப்புத் தண்ணீர்.)
3% மட்டுமே குடிப்பதற்கு உபயோகப் படுத்தலாம்.

ஏறத்தாழ 75% நல்ல தண்ணீர் போலார் பகுதிகளில் ஐஸ் கட்டியாக உரைந்து கிடக்கிறது.

ஒரு மனிதனால் உணவு இல்லாமல் ஒரு மாதத்திற்கு மேல் உயிர் வாழ முடியும் ஆனால், தண்ணீர் இல்லாமல் ஏறத்தாழ ஒரு வாரம் தான் வாழ முடியும்.

ஒரு கேலன் தண்ணீர் என்பது 3.785 லிட்டர்கள் ஆகும்

பற்களை துலக்க தினமும் ஒரு மனிதன் 2 கேலன் தண்ணீர் செலவிடுகிறான்.

கழிவறையில் flush செய்ய 2-7 கேலன் தண்ணீர் உபயோகப்படுத்த படுகிறது.

குளிப்பதற்கு மட்டும் 25-50 கேலன் தண்ணீர் உபயோகப்படுத்த படுகிறது.

அறிவியல் மேதை ஹிப்போகிரேட்ஸ், தன் காலத்தில் கிரேக்க மக்களை குடிநீரை சுட வைத்து பருக வேண்டும் என வலியுறித்தி வந்தார்.

இந்த உலகத்தில் இருக்கும் தண்ணீர் அனைத்தையும் ஒரு ஜாடிக்குள் அடக்க முடியும் என்றால் அதில் குடிக்கும் நல்ல நீர் என்பது ஒரு டேபிள் ஸ்பூனே ஆகும்..

மனிதனால் உப்பு நீரை குடிக்க முடியாது.

நம் உடலானது 66% தண்ணீர்.

நம் இரத்தத்தில் 82% தண்ணீர் உள்ளது.

20வது நூற்றாண்டில் மட்டும் உலக மக்கள் தொகை மூன்று மடங்கு பெருகியது. தண்ணீரின் தேவைகள் மட்டும் 6 மடங்கு பெருகியது.

நல்ல தண்ணீரை நம்பி வாழும் விலங்கினங்கள் மற்ற விலங்குகளை விட 5 மடங்கு அதிகமாக மறைந்து வருகிறது.

இந்தியா என்ற நமது தேசத்தின் பெயர், இன்டஸ் என்ற நதியின் பெயரில் இருந்து உருவானது.

நமது தட்பவெப்பநிலையை தண்ணீரே தீர்மானிக்கிறது.

சூரியன் தினமும் ட்ரில்லியன் டன்கள் தண்ணீரை ஆவியாக்குகிறான்.

இந்த உலகில் பெரும்பாலான மக்கள் குடிக்கும் நீருக்காக 3 மணி நேரம் நடக்க வேண்டி உள்ளது.

இந்த உலகில் கால் வாசி மக்கள் பாதுகாபற்ற குடிநீரே குடித்து வாழ்கின்றனர்.

இன்றைய நிலை நீடித்தால் 2025 ஆம் ஆண்டில் உலகில் மூன்றில் இரண்டு பங்கு தண்ணீர் பற்றாக்குறை ஏற்படும் அபாய நிலை உருவாகும்.

அமெரிக்காவில் தனியார் தண்ணீர் வழங்கும் நிறுவனங்கள் மைக்ரோசாப்ட் நிறுவனத்தை விட 4 மடங்கு அதிகம் சம்பாதிக்கின்றனர். இவர்கள் fortune 500 கம்பெனிகளில் பட்டியலில் முதல் 100 இடத்தில் இருக்கிறார்கள்.

உலகில் தினமும் 3900 குழந்தைகள் அசுத்த நீரை குடிப்பதாலும், சுகாதரமற்ற முறைகளாலும் இறக்க நேரிடுகின்றனர்.

அமெரிக்கர்கள் மட்டும் ஐரோப்பியர்களை விட 3 மடங்கு தண்ணீர் செலவிடுகின்றனர். மற்ற வளர்ந்து வரும் நாடுகளை விட இவர்கள் பல மடங்கு அதிகம் செலவிடுகின்றனர்.

டிஸ்க்லெய்மர்: இங்கு கொடுக்கப்பட்ட செய்திகள் யாவும் கூகுள் செய்து கிடைத்தவையே...
(Courtesy: GOOGLE! :))

இசை

2006-09-25T19:43:00.001-05:00

நதியின் ஓசையில்
ஜதி பயின்று,
காற்றினில் உயிரெனக் கலந்து
வண்டிடம் ராகம் சேர்த்ததால்
பூஞ்சோலையில்
பூபாளம் கேட்கிறதா?
பூக்கள் எல்லாம்...
அழகாய் துயில் எழுகிறதே..!
தலை அசைக்கிறதே

***
அவள் பேசும் பேச்செல்லாம்
பாடலாகும் ,
மௌனம் கூட புது
ராகமாகும்,
காதல் இசையானால்..

தமிழெல்லாம் தாளமாகும்,
எழுத்தெல்லாம் எழுந்தாடும்,
கவிதை இசையானால்...

இளமை உந்தன் வயதாகும்,
இன்றும்,என்றும்,என்றென்றும்
வாழ்க்கை இனிக்கும் இசையானால்..

***
ஆ.ரி.ரா.ரோ...என்றவுடன்
அழுகை நிற்கும்,
ரகசியம் இசையன்றோ!
இரை இல்லா போது
சிலசமயம்..
உண‌வானது இசையன்றோ?
இறைத் தேடும் எல்லோர்க்கும்
ஒரு வாயில் இன்னிசையன்றோ?

ஆராய வேண்டாம்,
ஆதாரமும் வேண்டாம்,
உயிரின் உன்னத
ஓசையும் ஈடில்லா இசையன்றோ?

மெட்டுக்கு
மொழியேது!
இசைக்கு
இனமேது!
சங்கீதத்திற்கு
சாதியேது!
இசைப் போல்
இவ்வையக‌ம்
வாழ்ந்தால் த‌வறென்ன?
கொஞ்சம் நீ
இசைந்தால் பிழை
தான் இங்கென்ன?
***
***
-தமிழ்ப்பிரியன்

9/11 மர்மம் என்ன??

2006-09-11T12:48:00.000-05:00

நான் பதிவு எல்லாம் ரொம்ப எழுதயதில்லை..ஆனால் அடிக்கடி தமிழ்மணத்தில் வ‌ரும் பதிவுகளை ரசித்து படிப்பவன்..நண்ப‌ர் வெட்டிப்பயல் எழுதிய 9/11 பற்றிய சம்பவம் படித்தவுடன் நான் அதைப் பற்றி எழுத வேண்டும் என்ற ஆவல் கூடியது..ஏன்? கீழே உள்ள‌ சுட்டியைப் பார்க்கவும்..அமெரிக்காவை தக‌ர்த்தியது ஆப்கானிஸ்தானின் பின்லேடன் தான் என்றாலும் அது முழுக் கதையாக எனக்கு படவில்லை..சூப்பர் பவர் என்று அழைக்கப்படும் அமெரிக்காவால் இதைத் தடுக்க முடியவில்லையா?? உண்மையில் இது இவர்கள் எதிர்பார்க்காமல் நடந்ததா??

மர்மமாக இருக்குல்ல..இந்த
வீடியோவைப் பாருங்க..பல உண்மை வெளியில் வரும்.

கொஞ்சம் பெரிய வீடியோ..ஆனால் எல்லாரும் பார்க்க வேண்டிய ஒன்னு..

எவரோ ஆதாயம் பெற பலியாகும் அப்பாவி மக்கள்! எங்கு பார்த்தாலும் குண்டுவெடிப்பு!.பீதி..புரளி..இதற்கு விடிவே இல்லையா...

"
வெள்ளைப் பூக்கள் உலகம் எங்கும் மலர்க‌வே!
விடியும் பூமி அமைத்திக்காக விடிக‌வே!
மன் மேல் மஞ்சள் வெளிச்சம் விழுகவே!
மல‌ரே சோம்பல் முறித்து எழுகவே..
குழந்தை விழிக்கட்டுமே தாயின் கதகதப்பில்,
உலகம் விடியட்டுமே பிள்ளையின் சிறுமுதல் சிரிப்பில்.."

இது மாதிரி இருந்தா எவ்வளவு நல்லா இருக்கும்?...

அப்பாவி உயிர்கள் பலியானது மனவ‌ருத்தமும் வேதனையும் அளிக்கத்தான் செய்கிறது..!இன்னும் எத்தனை ஆண்டுகள் போனாலும் இது நெஞ்சில் ஒரு தீரா வடுவாக இருக்கும் என்பது மட்டும் உறுதி, இறுதி..இன்றைய தினத்தில் இறந்தவ‌ர்களுக்கும் அவ‌ர்கள் குடும்பத்திற்கும் எனது ஆழ்ந்த கண்ணீர் அஞ்சலி.!

உண்மை என்றும் ஒளிந்து இருப்பத்தில்லை..!

நிறம்...

2006-07-23T10:51:00.001-05:00

ஓவியர் ஒருவரிடம் கேட்டேன்,
நிறம்...என்ற தலைப்பில்,
கவிதை வரைய,
உங்கள் உதவி வேண்டும்...
கூறுங்களேன்!
இப்பூவுலகில் "எந்த நிறம் சிறந்தது?"
சில நொடிகள் போனது..
சிந்தித்த்வர் கூறிய பதில் இதோ...

கருப்பில்,வெள்ளையும் அழகு...
கருங்கூந்தலில் மல்லிகை.!
வெள்ளையில் கருப்பும் அழகு...
என் கண்மனியின் கருவிழிகள்!

இவ்வுலகில் நான்கில்
மூன்று பாகம் நீலம்...
மனிதன் இயற்க்கைக்கு
வைத்த நிறமோ பச்சை...

இருப்பினும்,
பச்சையுடன் சேர்ந்த நீலம்
கொண்ட தோகை மயில்
தானே அழகு...

தனி மரம் தோப்பாகாது...
தனி நிறமும் தான்...!

வித்தியாசமான ஒரு சிந்தனை...
நிறம் மாறத் தெரியவில்லை என்றால்,
பச்சோந்திக்கு இந்த உலகம்
முக்கியத்துவம் தந்திருக்குமோ?
வண்ணமயமான‌ வண்ணத்துப்பூச்சியை
ரசித்திருக்குமோ?

"இனத்தோடு இனம் சேரும்" என்பார்கள்.
அது நிறத்துக்கு இல்லையப்பா...
இது புரிந்து இருந்தால்
நிறப்பேதமும் இல்லையப்பா...

வெள்ளை உள்ளம் எனக்கு
கண்டிப்பாக வேண்டாம்,
வெற்று காகிதம் என்று,
துட்சமமாய்க் கருதும் உலகம் இது...
'ஆஹா...வானவில்' என்று கூறும்
இதயம் தான் எனக்கு பிடித்தது...
என்று சொல்லி முடித்தவரிடம்,
எத்தனை தெளிவு...

அத்தனை தெளிவோடு
உலகை புதுக் கோணத்தில் காண..
கடைவீதிக்குச் சென்றேன்,
வண்ணத் தொலைக்காட்சி
ஒன்று வாங்க...

-தமிழ்ப்பிரியன்.

கண்ணாடி!

2006-07-15T15:50:00.001-05:00

நீரில் தோன்றிய
நிலவின் முகம்
பார்த்து
தன் முகம் பார்த்தான்
அன்று!
கால மாற்றங்களால்
இன்று...
கண்ணாடியின் முன் நாம்!

என்னை எனக்கும்
உன்னை உனக்கும்
தினமும் ஒரு முறையேனும்
அறிமுகம் செய்து வைக்கும்
நான்காவது கண்!

எத்தனை துண்டுகளாய்
சிதறினாலும்
ஒவ்வொன்றும்
தனிச்சியாய் இயங்கும்
அதிசியம் காட்டும்..
உற்றுப் பார்
அனைத்திலும் உன் பிம்பம்..

ஏழையின் எளிமையான
அழகு நிலையம்..
இந்தக் கண்ணாடி
அழுதால் நீ மட்டும் இந்த‌
உலகினிலே..
உன்னோடு எப்போதும்
அழும் இந்தக் கண்ணாடி..

- தமிழ்ப்பிரியன்

மரணம் ‍

2006-07-10T20:17:00.001-05:00

மரணம்
-----------------
உயிர் என்னும்
உன்னத தொடக்கத்தின்
நிரந்தர முடிவு..

அழையா விருந்தாளி ஒருவன்
சொல்லாமல் வருவானாம்,
போகாத ஊருக்கு
வழியும் சொல்வானாம்,
பாட்டிக் கதைகள் கேட்டதுண்டு...
நிலையில்லா இவ்வுலகம் விடுத்து
எவ்வுலகம் செல்ல இந்தப்
புதுப் பயணம்?
இக்கரைக்கு அக்கரை பச்சையோ??

வந்தவர் எவரும்
செல்லாமல் இருந்ததில்லை...
சென்றவர் எவரும்
வந்ததாய் செய்தியும் இல்லை..

கசப்பான உண்மை,
உனக்கான ஒரு நாளும் வரும்..
நீ மட்டும் தான் அன்றைய
நாளின் நாயகன்!!
கால பயம் வேண்டாமடா...

உன் நீண்ட உறக்கத்தில்
உனக்காய் வடிக்கும்
கண்ணீருக்கு மட்டும்
காலம் தானே மருந்தாகும்,
காலம் தான் மருந்தாகும்..

ஒரு முடிவைப் பற்றிய
தொடக்கம் இது..
நினைவுகளில் நீ
நிறைந்து வாழும் பொழுது,
மறிப்பதெல்லாம் மரணமாகுமா??

-தமிழ்ப்பிரியன்

படம் இங்கே, கவிதை எங்கே??

2006-06-16T15:11:00.001-05:00

This one was written some time back...where in I was given this beautiful smiling cute little girl's picture and asked to write a small poem...Here it goes..

ஒரு சின்னக் கவிதை...

குட்டிக் கவிதையே..

கள்ளம் இல்லா உன் புன்னகை

கவலை இல்லா உன் சிரிப்பலை

கண்ணு படப் போகுது...

திரிஷ்டி பொட்டு எங்கே??

-தமிழ்ப்பிரியன்.

ம‌ற‌தி (Forgetfulness)

2006-06-10T11:54:00.001-05:00

ஞாப‌க‌ ம‌ற‌தி...

அடிக்க‌டி ம‌ற‌ந்துவிடுப‌வைக‌ளை
மெதுவாய் ஞாப‌க‌ப‌டுத்தி,
ப‌ட்டிய‌ல் இட்டு
வாய் விட்டும் சிரித்தேன்..

கையிலேயே வைத்திருந்தும்
ஊரெல்லாம் தேடித் திரிந்த‌
பொருட்கள் தாம் எத்த‌னை?

ஞாப‌க‌த்திற்கு எட்டாம‌ல்
போன‌ பெய‌ர்க‌ள் தான்
எத்த‌னையோ??

சாப்பிட்ட‌வுட‌ன் சாப்பிடச்
சொன்ன‌ மாத்திரை,

இன்னும் எத்தனை
முறை ‍‍ம‌ற‌க்க‌ப் போகும்
மூக்குக் க‌ண்ணாடி,

வீட்டுச் சாவி முத‌ல்
வ‌ண்டிச் சாவி வ‌ரை,

சட்டைப் பையில் வைக்க‌ ம‌ற‌ந்த‌
எழுதுகோல்,
எழுதுகோலில் ஊற்ற‌ ம‌ற‌ந்த‌ மை..

ப‌த்திரமாய் நினைவில் வைத்து
ம‌ற‌ந்து போன‌ ர‌க‌சிய‌ எண்(பாஸ்வோர்ட்)
ம‌ற‌க்காம‌ல் எழுத‌
நினைத்த‌ மடல்(மின்‍அஞ்ச‌ல்)

'ட‌க்'கென‌ தோன்றா
இன்றைய‌ தேதி,
சொல்ல‌ ம‌ற‌ந்த‌
பிற‌ந்த‌நாள் வாழ்த்து..

இந்த‌ ப‌ட்டிய‌லில்
ம‌ற‌ந்த‌வையும் உள்ள‌ட‌க்க‌ம்..

அதெப்ப‌டி...
ம‌ற‌ந்துவிடு என்றால்
சுத்த‌மாய் ம‌ற‌க்காது,
மற‌க்காம‌ல் செய்துவிடு என்றால்
மற‌ந்தே போய்விடும்...

சொல்ல‌ வ‌ந்த‌தை ம‌ற‌ப்ப‌த‌ற்க்குள்,
இதை,
தீராத‌ நோய் என்பார் சில‌ர்,
இறைவ‌ன் த‌ந்த‌
அற்புத‌ வ‌ர‌ம் என்பேன் நான்..
நிர‌ந்தர‌ பாக்கிய‌சாலிக‌ள் இவ‌ர்க‌ள்,

நினைவுக‌ளில் வாடி
ம‌ற‌க்க‌ முடியாம‌ல்
நித்த‌ம் த‌விக்கும்
காய‌ப்ப‌ட்ட‌ நெஞ்சுக்கு
ம‌ற‌தி என்னும்
ம‌ருந்து விடு
நெஞ்சே,
நீ ஒருமுறை
ம‌ற‌ந்து விடு..!!!

-த‌மிழ்ப்பிரிய‌ன்

Rain,Mazhai,Varsham,Barish

2006-06-07T22:10:00.001-05:00

உன் பெய‌ர்?

ம‌ழை..என் முழுப்பெய‌ர் ம‌ழை,

என்னில் ப‌ல‌ ப‌ரிணாம‌ம் உண்டு,
முத‌ல் ம‌ழை ஆசை,
அந்தி ம‌ழை அழ‌கு,
அதிகாலை ம‌ழை ப‌னித்துளி,
ஜ‌ன்ன‌ல் ம‌ழை சார‌ல்,
கோடை ம‌ழை சுக‌ம்,
பாதி ம‌ழை சூடு,
பெரிய‌ ம‌ழை வெள்ள‌ம்,
ஆல‌ங்க‌ட்டி ம‌ழை ச‌த்த‌ம்,
காற்றுட‌ன் ம‌ழை புய‌ல்...

உன்னைப் ப‌ற்றி

வான‌ம் என் பிற‌ப்பு
மேக‌ம் என் இருப்பு
பூமி என் காத‌ல்
நான் இய‌ற்கை தாயின் ப‌ரிசு..

உன் வ‌ய‌து?

துள்ளும் இள‌மை!

உன் தொழில்?

ஊருக்குத‌வுவ‌து..

நீ சொல்லும் சேதி?

ஒரு துளி ‍சிக்க‌னம்
ப‌ல‌ துளி வெள்ள‌ம்

உன் தோழ‌ர்க‌ள்?

அருவி,ஓடை,ந‌தி,க‌ட‌ல்
ம‌ற்றும்
மானுட‌ம் காக்கும் ம‌னித‌ர்க‌ள்.

ச‌மீப‌த்திய‌ சாத‌னை?

நிலாவில் என்னை க‌ண்டெடுத்த‌து..

நீ ர‌சித்த‌ ஜோக்?

இன்று வான‌ம் மேக‌மூட்ட‌த்துட‌ன் காண‌ப்ப‌டும்,
இடியுட‌ன் கூடிய‌ ம‌ழை வ‌ரும்,
வ‌ர‌மாலும் போக‌லாம்..என்ற‌
வானிலை அறிக்கை..!

உன‌க்கு பிடித்த‌து?

ம‌ண் வாச‌னை,
சூடான‌ தேனீர்,
சூடான‌ ப‌ஜ்ஜியும் சேர்த்துக்கொள்..

ம‌ழையோடு வான‌வில்,
காகித‌க் க‌ப்ப‌ல்,
ம‌ழைக்கு முளைக்கும் காளான்..
என்னைப் ப‌ற்றிய க‌விதை!!

உன‌க்கு பிடிக்காத‌து?

செய‌ற்கை காளானுக்குள் ஒளிப‌வ‌ர்,
ம‌ழையின் அருமை அறியாத‌ப‌வ‌ர்..

அடுத்த‌க் கேள்வி...
யோசித்து கேட்ப‌த‌ற்கு முன்னே,

தூற‌ல் நின்னுப் போச்சு..
என்
ம‌ன‌மும் வாடிப் போச்சு..!

-த‌மிழ்ப்பிரிய‌ன்.

Love is God

2006-06-01T19:50:00.000-05:00

Though said by so many before, I want to stress one more time that Love is God. This holds true whether you are an (a)theist... Brought up as a Hindu, I wanted to share these lines below are from "Kandha Guru Kavasam". A 21:00 minute song in praise of Lord Murugan. These lines below have so much meaning in itself and basically says "love is God". Wanted to stress this as every Religion eventually tries to explain everyone the same.
....
....
அன்பே சிவம், அன்பே சத்தியம்
(anbE sivam, anbE sathiyam)
Love is (God)Lord Shiva, Love is Truth

அன்பே ஹரியும், அன்பே பிரம்மமும்,
(anbE hariyum, anbE brahmamum)
Love is Lord Hari, Love is Lord Brahma,

அன்பே தேவரும், அன்பே மனிதரும்,
(anbE thEvarum, anbE manitharum)
Love is angels , Love is Humanity,

அன்பே நீயும், அன்பே நானும்,
(anbE Neeyum, anbE naanum)
Love is you, Love is Me

அன்பே சத்தியம், அன்பே நித்தியம்,
(anbE sathiyam, anbE nithiyam)
Love is truth, Love is permanent,

அன்பே சாந்தம்,அன்பே ஆன்ந்தம்,
(anbE saantham, anbE aanandham)
Love is patience, Love is happiness,

அன்பே பிரம்மமும்,அன்பே அனைத்தும் என்றாய்..
(anbE brahmamum, anbE anaithum endraai)
Love is everything...
....
....

There is a South indian movie "Anbe Sivam" (Tamil). The movie also tries to explain the same concept. There is a song in this movie which goes on like this:
...
...

யார் யார் சிவம்?
(Yaar Yaar Sivam)
Who is Lord Shiva?

நீ, நான் சிவம்
(Nee, Naan Sivam)
You and Me are God(Lord Shiva)

வாழ்வே தவம்;அன்பே சிவம்!
(Vaazhve Thavam; Anbe Sivam)
Life is a Meditation; Love is God(Lord Shiva)

ஆத்திகம் பேசும்
அடியார்க்கெல்லாம்
சிவமே அன்பாகும்!
(Aathigam Pesum
Adiyaarkkellam
sivame anbaagum)
For a Theist, God(Lord Shiva) is Love!

நாத்திகம் பேசும்
நல்லவர்க்கெல்லாம்
அன்பே சிவமாகும்!!
(Naathigam Pesum
Nallavarkkellam
Anbe Sivamaagum)
For an Atheist, Love is God(Lord Shiva)!

Tongue Twisters

2006-05-16T12:58:00.001-05:00

As soon as i woke up today, was listening to songs..got this idea of putting some tongue twisters. Here are a few

Some English Twisters:

-Red Lorry, Blue Lorry

-High roller, Low roller , Lower a roller

-She sells, sea shells in the sea shore

-Betty bought a bit of butter but the butter was bit bitter so betty bought a bit of better butter to make the bitter butter better !!!

Here are a few famous ones from Tamizh: just remembered these 2..

- ithu enga thaathaa thacha satta
இது எங்க தாத்தா தச்ச சட்டை

-Kaakkaa kaakkaa kaakkaanu kathurathaala namma atha kaakkaanu koopiduromaa? illa,
kaakkaava kaakkaa kaakkaanu koopidarathaaala athu kaakka kaakkannu kathudhaa??

காக்கா "காக்கா காக்கா"ன்னு கத்துறதால, நம்ம அதை காக்கான்னு கூப்பிடுறோமா??
இல்லை, காக்காவ காக்கா காக்கான்னு கூப்பிடறதால அது காக்கா காக்கான்னு கத்துதா??

Here is a Hindi Tongue twister from
Movie:Fanaa
Song: "Chanda Chamke"

-pake ped par paka papita
pake ped ya pakaa papita
pake ped Koo pakdE pinku
pinku pakdE pakaa papitaa

पके पॆड पर पका पपिटा
पकॆ पॆड या पका पपिटा
पकॆ पॆड को पक्डे पिन्कु
पिन्कु पक्डे पका पपिटा

another tongue twister from the same song

-khadak singh ke khadakne se khadakthi hain khidkiyaan
khidkiyon ke khadakne se khadakthaa hai khadhak singh.

खडक सिग् कॆ खडक्नॆ सॆ खडक्ति है खिड्किया !
खिड्कियॊन कॆ खडक्नॆ सॆ खडक्ता है खडक सिग्!

Here is a tongue twister from telugu: boy this is real tuff...

-nI nUne naa nUnanee, naa nUne nI nUnane nEn annaanaa
no! no! no!
nI nUne nI nUnE, naa nUne naa nUnE

నీ నూనె నా నూనని, నా నూనె నీ నూనని, నేనన్నానా
నో! నో! నో!
నీ నూనె నీ నూనే, నా నూనె నా నూనే

happy twisting...and if u know any, pls feel free to add in the comments.

A visit to India

2006-05-13T09:25:00.000-05:00

Please read the article that inspired me to write "en india payanam" in tamizh...really true for all those Desi's staying in US..

Source: Unknown.

I am not a travel enthusiast. I have never been one. But I don't know for what reason I was planning this trip for almost a year and a half. A trip that I was planning as soon as I landed in this country termed "land of milk and honey?" Maybe I was missing my family and friends, maybe I was missing the noise, maybe I was missing the food, maybe it was the loneliness all of a sudden in my life, maybe it was just that I was fed up of life here. Well I blamed it on all the above and made the trip. Yes I went to India and am back too. So it all started when I had to leave India.

I still remember the day as it was yesterday. I will remember that all my life. The whole week I was treated as a celebrity. My parents were proud to tell all the people I was heading abroad "America" they stressed. They were smiling. I felt happy. Then I left. My mom trying hard not to cry, my dad proud of me and my sister looking at me as though I was a hero. Then I was in America - trying to adapt myself, getting accustomed to the life here- studying, working, cooking, cleaning all at the same time. Yes I will go ahead and say I did that well. I was homesick many a time and friends and phone pulled me out time and again. And then it happened I decided to go back and visit. Yes. I had enough savings, my professor said yes and I found time. My joy knew no bounds on the day I got the ticket. I said to myself ?This is the most deserved vacation till now in your life?.

Then I landed there. I did not bend down and pick the soil, I did not try to sense the smell of air, I did not try to act weird, I did not try to sound or look different from what I had been, I just hugged my dad for the first time in my life. So went home and for 3 continuous hours I talked and kept others awake. They were happy. I told them about the life here. I told them about the studies here. I told them about my friends. I told them about my cooking. I told them about the places I visited. I showed them the photos. I gave them the gifts and listened to their "wahs! wows! ahs!" I ate "home food" (for all those who are in USA you'll know what I mean).

So the changes in my home - My sister had occupied my closet. My room had changed according to my sister's taste. My sister's vehicle stood in front of mine. I realized she was the boss then. I met a lot of people; rather they came to meet me. I was treated a celebrity. I got what I wanted. Everyone was helping me. I ate stuff I told my mom I would never taste in my life - those vegetables, the onions in the sambhar, the tomatoes in the rasam, the curry leaves in the food. I opened doors for people. I listened when my parents talked. I was polite. I used sorry, please and thank you.

There were changes with others too. I was respected. My opinion counted. My advice sought for. For the first time the neighbors were not complaining when I played cricket. I bought stuff on my own. This time I gifted presents from my own money. I cooked and was told I was good (I can hear my roomies laughing). I met my friends. They were happy. I was happier. I went to all the places I used to hangout when I was growing up. Some of the trees under which I had chatted were no more. I was reliving the moments. I understood what nostalgia meant. I laughed when I found out some of the girls I thought were attractive had got married.

My own friends were getting married. I found it hard to tell them that not all people living in America had girl friends and that life here can be tough. This time we did not blame the bills as treat. We were ready to pay. There were times when they hinted about patriotism. I treated it cautiously. I can't blame them at least. When I left USA I was sure I wouldn't miss anything but, I was wrong. The things that I missed " Internet, the ability to listen to songs anytime, the freedom to wake up anytime, the air conditioning, the ice creams, the clean roads".Oh ya! I missed them. So my impressions on my own country "I found it to be crowded, noisy and people rude. Yes I was complaining. Then when I look back I realize that this is the essence of India. The things have been there for god knows till when. People have been taking them in their stride and going on with their lives. It is just that since I had visited this place I was finding the faults.

So did I enjoy the trip? Yes I did. It was awesome. Yes I might go ahead and call this trip a very special one. A trip that I planned from the first day I landed in this country. A trip of a lifetime? Maybe ???

என் இந்தியா பயணம்..

2006-05-13T09:17:00.000-05:00

என் இந்தியா பயணம்..

எனக்கு கட்டுரை எழுதி பழக்கம் இல்லை, இருந்தும் என் இந்தியப் பயணம் குறித்து எழுத வேண்டும் என்ற ஆவல் என்னுள்ளே தோன்றியது...

சொந்த மன்னை விட்டு வந்த அனைவருக்கும் இது போல் மனம் பூரிக்கும் அழகான நாள் வேறு எதுவும் இருக்க வாய்ப்பு உண்டோ?. நான் நிச்சியம் விதிவிலக்கல்ல..வெளிநாட்டில் கால் வைத்த நாள் முதல் காத்திருந்த, எதிர்பார்த்திருந்த பயணம் இது.. இரண்டு வருடம் பொறுத்து இருந்த எனக்கு, 20 மணி நேர விமானம பயணம் பொறுமை இழந்த காரணம் இது வரை விளங்கவில்லை...

எழில்மிகு சென்னை, சிங்காரச் சென்னை அடைந்ததும்...
ராஜ்கிரன் பானியில், "தாயே உன்னை இத்தனை காலம் எப்படி பிரிந்து வாழ்ந்தேனோ?" என்ற பாடல் பின்னால் பாட கையில் மன்னை எடுக்க கீழே குனியவில்லை...என் தோழன் ஒருவன் விமான நிலையம் வர "வா டா வா...எப்படி இருக்க?" என்று விசாரிக்க..."யப்பா! ந்ம்ம ஊர் வந்து சேந்தாச்சு!"...என்று பேசிக்கொண்டே அவன் தங்கி இருந்த அறைக்கு சென்றோம்...என் சொந்த ஊரானத் திருநெல்வேலிச் செல்ல இன்னும் காத்து இருக்க வேண்டி இருந்தது..எனனை வரவேற்க தூத்துக்குடி விமான நிலையத்தில் என் பெற்றோரும், என் உறவினர்கள் சிலரும் காத்திருந்தனர்...12:00 மணி அளவில், மண்டையைப் பிளக்கும் வெயில் அது..சொளு,சொளுவென வியர்வை ஊத்திய போதும் அனைவரின் முகம் கண்டு மனம் மட்டும் குளிர்ச்சியாகவே இருந்தது...
அப்பா மெலிந்து காணப்பட்டார், அம்மா "பயணம் எப்படி இருந்தது" என அன்பாய் விசாரிக்க...தம்பியோ அரும்பு மீசையுடன், எனனை விட உயரமாய்..ஒரு வரியில் சொல்ல வேண்டும் என்றால்..."மிகவும் சந்தோஷமான தருணங்கள்."...

காரில் செல்லும் போது சீட் பெல்ட் அனியாதது உள்ளுக்குள் ஏதோ செய்தது...எவர் ஹாரன் அடித்தாலும் அச்சம் உச்சத்தில் ஏறியது...மண் கிளப்பும் தூசியும்,வெயிலும் உடல் ஏற்க மறுத்தது...என் ஊரை நானே குறைக் கூறியது இன்னொரு ஊரைப் பார்த்து விட்டு கம்பாரிஸன் பன்னியதன் விளைவு, பின்னர் என்னுள் வருத்தமும் பட்டேன்....அமெரிக்காவில் 2 வருடம் என்னுள் செய்த மாற்றங்கள் இவை....

முதல் தடவையாய், பலர் நான் பேச காத்து இருந்தனர், என் அனுபவங்கள் கேட்க விரும்பினர், என் அறிவுரைகளுக்கு முக்கியத்துவம் கொடுக்கப்பட்டது..அமெரிக்காவிலும் வாழ்க்கை சுலபம் இல்லை என்று என்னால் இயன்ற வரை எடுத்துக் கூறினேன். முதல் முறையாக பணம் ஒரு பொருட்டாக தோன்றவில்லை..நான் சம்பாதித்த பணத்தில் இருந்து என்னால் இயன்ற பொருட்களை வாங்கிக் கொடுத்தேன்..மனமே கோவில் என்ற போதும்...என்னால் முடிந்த அளவு கோவில்களுக்கு சென்றேன்..2 வருடம் கழித்து ஆசைத் தீர பைக் ஓட்டினேன் ....என் பள்ளி, கல்லூரி நண்பர்கள் பலரைச் சந்திக்க முயற்சி எடுத்தேன்..அவர்களை சந்தித்ததில் அளவில்லா மகிழ்ச்சியும் அடைந்தேன்...சிலருக்கு திருமண ஏற்பாடுகள் நடை பெற்று கொண்டு இருந்தது,..ஒரு மாத காலம் போனதே தெரியவில்லை...உட்கார்ந்த இடத்தில் இருந்து காஃபியும், சாப்பாடும்...7 கிலோ ஏறியது... திரும்பி வர சிறிதும் மனம் இல்லாமல், அழுகாச்சியா இருந்துச்சு...இன்னொரு இந்திய பயணத்தை எதிர் நோக்கி...வாழ்க்கை பயணம் தொடர்கிறது...

-தமிழ்ப்பிரியன்

பகலின்றிப் போனால்...

2006-03-23T22:35:00.001-05:00

பகலின்றிப் போனால்...

சூரியன் - அண்டங்களுக்கெல்லாம் அதிபதி...
இவ்வையகத்தின் உழைப்பும், செழிப்பும்
இவன் கதிர்வீச்சுக்காக காத்திருக்கும்...

செவ்வானமாய் கடலுக்குள் தோன்றி
மேகத்துள் மறைந்து - அதிகாலை
முதல் அந்திப் பொழுது வரை,
தன் பணியை நேர்த்தியாக செய்யும் இவன்...

துயில் கொள்ளக் கடலுக்குள் மறைந்து
நிலவின் ஒளியில் மதி மயங்கி கிடக்கும் ந்மக்கு,
அதுவே கடைசிப் பகலாக இருப்பின்???
இப்பூவுலகம் 'பகலின்றிப் போனால்'....

'விடிஞ்சு எவ்வளவு நேரம் ஆச்சு,
இன்னும் என்ன தூக்கம்' என்ற
அம்மாவின் குரலுக்கு இனி
இடம் இருக்காது!!

'என்ன வெயில்!...என்ன வெயில்!...
என்ற மக்களின் ஆதங்க பேச்சிற்கு
நிச்சியமாய் நேரம் இருக்காது!

வாடும் வ்யல்கள் தேடும் மழையை,
தராத இருண்ட மேகங்கள் கண்டு....
"நிழலின் அருமை அறிந்தவ்ர்கள்"
இன்று முதல்,
"வெயிலின் அருமை உணரத் தொடங்குவர்!!"

"பகல் கொள்ளை" இன்று முதல்
தவிர்க்கப்படும் என்று
காவல்துறை சூளுரைக்கும்!!!...

"இரவுக் காட்சி மட்டும்" என்று
சினிமா கொட்டகையில் அறிவிப்பு
ஒலிக்கும்.!!

கூவும் சேவல் தன் சேவை மறக்கும்!!
தாமரையும் தன் காதலன்
இன்றி பூக்க மறுக்கும்!!

அமஞ்சிக்கரையிலும், அமெரிக்காவிலும்...
இன்று முதல் ஒரே நேரம்
காட்டும் அதிசியம் நிகழும்!!

உறுதியாக... இந்த உலகம்
"விடியலை நோக்கி" பயனிக்கும்!!

நன்றி சொல்வேன் நான்
"எடிசனுக்கு"....இருளில்
மூழ்கக் கிடந்த இந்த
உலகை காப்பாற்றியமைக்கு...!

-தமிழ்ப்பிரியன்.

அமெரிக்காவில் நான்

2006-03-21T00:55:00.001-05:00

Vanakkam!

Your constant encouragement and support is needed for this beginner.

Just to give a first shot, here is a small "kavithai" i wrote:

அமெரிக்காவில் நான்!!

அரச மர பிள்ளையாரும்...
வேப்ப மர தென்றலையும்...
மல்லிகை பூச்சூடும் பூவையையும்...
ஏனோ, புதிதாய் தேடியது மனம்....
விந்தை ஒன்றும் இல்லை... அமெரிக்காவில் நான்!!

விசாலமான சாலைகளும்,
வின்னை முட்டும் ஒய்யார கட்டிடங்களும்,
'எல்லாம் இங்கு உண்டு' என்பார்கள்...
விந்தை ஒன்றும் இல்லை...
அமெரிக்காவில் நான்!!

தினத்தந்தி வெள்ளி மலர்,
இன்றைய ராசி பலன்,
நேற்று வெளி வந்த தமிழ் சினிமா,
மனதை தொடட பாடல்கள்,
வலை இன்னும் விரியும் ஹை-ஸ்பீட் இன்டெர்நெட்டில்,
விந்தை ஒன்றும் இல்லை...
அமெரிக்காவில் நான்!!

'இன்னைக்கும் இட்லியா' என்று கேட்டது போய்,
ஆடிக்கு ஒரு முறை அடையும், அப்பமும்,
அம்மாவசைக்கு ஒரு முறை இட்லியும், தோசையும்,
விந்தை ஒன்றும் இல்லை...
அமெரிக்காவில் நான்!!

'நீங்க தமிழா' என்று சிலரை கேட்டதும் உண்டு,
'தேசி' என்றூ எனக்கு ஒரு பெய்ரும் உண்டு,
விந்தை ஒன்றும் இல்லை...
அமெரிக்காவில் நான்!!

சமையல் செய்யும் போதெல்லாம் நினைத்தாலும்,
வாரம் ஒரு முறை அம்மாவின் குரல்,
பிரிவிலும் வாழ பழகி விட்டது...
விந்தை ஒன்றும் இல்லை...
அமெரிக்காவில் நான்!!

'வாட்ஸ் அப்', டேக் கேர்' என்று கேட்டு விட்ட போதிலும்,
ஒரு முறை மீண்டும் கேக்க தோன்றிய வாக்கியங்கள்,
'அண்ணே!...சூடா ஒரு 'லைட்-டீ'...
'தூத்துகுடி மட்டும் ஏறு! பஸ், வேற எங்கயும் நிக்காது'...
'நீங்கள் கேட்டு கொண்டிருப்பது சூரியன் F.M'...
விந்தை ஒன்றும் இல்லை...
அமெரிக்காவில் நான்!!

நான் தேடிய வாழ்க்கை இது...
குறை கூறவில்லை நான்..
புரியாத புதிர் ஒன்றும் இல்லை...
விந்தை இதில் ஒன்றுமே இல்லை...
'இழந்த பொருளுக்கு என்றுமே இரட்டிப்பு மதிப்பு'
இது அமெரிக்காவில் நான்!!

Thanks,
Tamizhppiriyan.